sru:version: 1.2; sru:query: fcs.rf="mecmua.1_176"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.1_176"; sru:baseUrl: ; fcs:returnedRecords: 1; fcs:duration: PT0.026S PT0.034S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.1_176</phrase></query>)];

197 Bunı ḥammāmdan çıq eyle yaqı
Ṭura üc gün anuñ birini daḫı

198 Bu ṭarīq ile tā ṭoquz güne dek
Ṣuyı gözden depeye çekse gerek

199 Yıl geçicek mĭle [?] olur muḥtāc
Tāze iken budur pes aña ʿilāc

der‑beyān‑i devā‑i enf

200 Ṭurmaz‑ise eger burun qanı
Sirke esrārıyla ḥāżır ėt anı

201 Başuñ şaqqı etmegi [?] üstine der‑ḥāl
Ur ki sākin ola demi fī l‑ḥāl

der‑beyān‑i devā‑i üẕn

202 Bir qulaq kim işitmez ola müdām
Turb yaġın ṭamzur aña ṣubḥla şām

203 Sirke buġı daḫı münāsibdür
ʿİlm‑i ṭıbda bu hem mekātibdür

204 Līk [...] sirke bir qaşıq
Bir iki qaşıq‑da ṣu qoy ey ʿāşıq

205 Daḫı bir baş ṣarımsaġı ḫurd ėt
Qabı ile havānda [!] gey murd ėt

206 Āteş‑i nerm ile bunı qaynat
Ṣoñında od qala budur ṣanʿat

207 Süzüb al ol odı daḫı ṣaqla
Qulaġa ṭamzuruñ ıṣıcaqla

der‑beyān‑i devā‑i bādişnām

208 Yüzde ger ẓāhir ola bādişnām
Dem ü balġam ṭuta cemāli temām

209 Gerek evvel vėre aña şerbet
Süre içinde qalmaya ʿillet

210 Burun ucından aldura qanı
Gėrü yā [...] aldura qanı

211 Bir mücerreb kim ėtmişem tekrār
Ḥükemā rāyı deñilse ne var

212 Ḥayżı qanıyla bir bezi ıṣlat
Qurudub baġla ol yüze bir qat

213 Bunı üc gėce var niqāb eyle
Anı bu derde fetḥ‑i bāb eyle

devā‑i dāʾü s̱‑s̱aʿleb

214 Qaş [u] kirpik dökülse ṣac u ṣaqal
Aña müshil gerek bilüñ her ḥāl

215 Qūqiyā [?] ḥabbı hem aña ḫoşdur
Emr‑i ḥaqq‑ile ger aña ḫoşdur

216 Ol ḥabuñ ṣanʿatın beyān ėdelüm
Nice ekl olınur ʿıyān ėdelüm